طريقة عمل طاجن تورلي باللحمه الضاني

طاجن تورلي باللحمه الضاني

المقادير:

كيلو لحمة ضاني مقطعة مكعبات
ثمرة باذنجان رومي مقطعة شرائح
2 ثمرة بطاطس مقطعة مكعبات
3 ثمرة كوسة مقطعة حلقات
2 ثمرة جزر مقطع مكعبات
ربع كيلو فاصوليا خضراء
ربع كيلو بسلة خضراء
ملعقة صغيرة بهارات
3 ثمرة بصل مفروم
كوب عصير طماطم
2 ملعقة كبيرة سمن
2 ثمرة فلفل رومي
3 فص توم مفروم
2 ملعقة صلصة
ملح وفلفل

الطريقة:

1- ضعي ملعقة زبدة أو سمن في حلة كبيرة وحمري فيها البصلة حتي يصفر لونها.

2- أضيفي عليها الثوم وقلبيهم وبعدها ضيفي الفلفل وقلبيهم لمدة دقيقيتن وضيفي اللحمة وقلبيها مع الخليط 3 دقائق.
3- ضيفي على اللحمة كوب من عصير الطماطم والصلصة والبهارات واتركيهم على النار ياخدوا غلوة لمدة من 5 -7 دقائق. 

4- ضعي ملعقة الزبدة الثانية في طاسة كبيرة وشوحي فيها مكعبات البطاطس بعدها طلعيها وشوحي الكوسة وبعدها الجزر وبعدها الباذنجان.

5- في طاجن كبير أو مجموعة طواجن أصغر وضعي الخضار المتشوح ومعاه الفاصوليا والبسلة.

6- ضعي عليهم اللحمة المسبكه والملح والفلفل وادخليهم الفرن على درجة حرارة 200 لمدة 45 دقيقة.

7- قدميه مع أرز أبيض و(بالهنا والشفا)